පුංචි ඡන්දය තවත් කල් යයි

විසුරුවා හැර නොමැති පළාත් පාලන ආයතන වල නිළ කාලය තවත් මාස හයකින් දීර්ඝ කිරීමට තීරණය කර ඇති බව ජනාධිපති මෛත්‍රීපාල සිරිසේන මහතා පවසනවා. ජනපතිවරයා ඒ බව පැවසුවේ අද (26) ශ්‍රී ජයවර්ධනපුර කෝට්ටේ මහනගර සභාව විසින් සංවිධානය කළ "නැණසර" වාර්ෂික පොත් බෙදා දීමේ උත්සවයේදීයි.

මීලඟ පළාත් පාලන මැතිවරණය කෙට්ඨාස ක්‍රමයට පැවැත්වීමට රජය තීරණය කර ඇති අතර ඒ සඳහා යෝජිත පනතේ ඇති අඩුපාඩු සකස් කිරීමට තවත් මාස හයක් පමණ ගතවනු ඇතැයි ද ජනාධිපතිවරයා එහිදී වැඩිදුරටත් පැවසුවා.

කෝට්ටේ නගරාධිපති ජනක රණවක මහතාගේ ආරාධනයක් අනුව ජනාධිපතිවරයා මෙම උත්සවයට සහභාගී වූ අතර එහිදී කෝට්ටේ බල ප්‍රදේශයේ පදිංචි දරුදැරියන් 18,000 ක් සඳහා අභ්‍යාස පොත් පිරිනමණු ලැබුවා.