වෛද්‍ය නිලධාරීන්ගේ සංගමයේ නියෝජිතයන් මර්දනය කිරීමේ සැලසුමක්!

රජයේ වෛද්‍ය නිලධාරීන්ගේ සංගමය රටට අහිතකර ඉන්දු-ලංකා වෙළෙඳ හා සේවා ගිවිසුම පිළිබඳව ජනතාව දැනුවත් කරන නිසා තම සංගමයේ නියෝජිතයන් මර්දනය කිරීමට පටන්ගෙන ඇතැයි රජයේ වෛද්‍ය නිලධාරීන්ගේ සංගමය සඳහන් කරයි.

නීතිපතිවරයාගේ උපදෙස් මත සෞඛ්‍ය අමාත්‍යාංශය හා විශේෂඥ විද්‍යායතනයේ සහයෝගය මත රජයේ වෛද්‍ය නිලධාරීන්ගේ සංගමය විසින් 2012 වසරේ එළිදැක්වූ පොතක් පිළිබඳව රහස් පොලීසිය මේ වනවිට පරීක්ෂණයක් ආරම්භ කර තිබෙන බවද එම සංගමයේ මාධ්‍ය ප්‍රකාශක වෛද්‍ය නවින්ද සොයිසා සඳහන් කළේය.

මේ අනුව පසුගිය 12 වැනිදින පොතේ මුද්‍රණ දෝෂයක් පිළිබඳව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය නලින්ද හේරත් මහතාගෙන් පැයකට අධික කාලයක් රහස් පොලීසිය ප්‍රකාශ ලබාගත් බවත් ඉදිරියේදී සංගමයේ සභාපතිවරයාගෙනුත් ප්‍රකාශ ලබාගැනීමට සැලසුම් කර තිබෙන බවත් ඔහු පවසා සිටියේය.

රටට අහිතකර දෑ වෙනුවෙන් රජයේ වෛද්‍ය නිලධාරීන්ගේ සංගමය පෙනී සිටින නිසා මීට පෙර වකුගඩු ජාවාරමකට තම සංගමයේ සාමාජිකයෙකු සම්බන්ධ බවට චෝදනා එල්ල කළ බවත්, ඒ පිළිබඳව සොයා බැලීමට කමිටුවක් පත් කළද එම වාර්තාවත් මෙතෙක් රටට හෙළිකර නොමැති බවත් ඒ මහතා සඳහන් කළේය. 

මේ පිළිබඳව ඉදිරියේදී ජනාධිපතිවරයා දැනුවත් කරන බවද හෙතෙම පැවසී ය.



මෙම පුවතට අදාලව පහතින් COMMENT කරන්න.

Post a Comment

emo-but-icon

Related

පුවත් 4848396679586117144

දවසේ වීඩියෝව

ජනප්‍රිය පුවත්

උණුසුම් පුවත්

Recent Posts Widget

item