එජාපයේ ජයග්‍රහණය වැළැක්විය නොහැකියි

හිටපු ජනාධිපති මහින්ද රාජපක්ෂ මහතා වෙනම පක්ෂයක් නිර්මාණය කළහොත් ඉදිරි පළාත් පාලන මැතිවරණයේ දී එක්සත් ජාතික පක්ෂයේ ජයග්‍රහණය වැළැක්විය නොහැකි බව ශ්‍රී ලංකා නිදහස් පක්ෂ මහ ලේකම් අමාත්‍ය දුමින්ද දිසානායක පවසයි.

අනුරාධපුර දිස්ත්‍රික් පළාත් පාලන නියෝජිතයින් පිරිසක් අමතමින් අමාත්‍ය දුමින්ද දිසානායක පැවසුවේ නව පක්ෂයක් බිහිවුවහොත් ශ්‍රී ලංකා නිදහස් පක්ෂය දෙකඩ වීමක් සිදුවන බවයි. 

කෙසේ වෙතත් අභියෝග ජයග්‍රහණය කිරීම සඳහා අවශ්‍ය වටපිටාව සකස් කළ යුතු බව ශ්‍රී ලංකා නිදහස් පක්ෂ මහ ලේකම් අමාත්‍ය දුමින්ද දිසානායක සඳහන් කළේය.