මෛත්‍රීට හරියන අගමැති කෙනෙක් පත්කර ගන්න - චන්ද්‍රිකාත් සන්ධානය දිනන බව නොකියා කියයි

වත්මන් ජනාධිපති මෛත්‍රීපාල මහතා සමග සහයෝගයෙන් කටයුතු කල හැකි අගමැතිවරයකු පත්කිරීම අප සැමගේ වගකීම යෑයි හිටපු ජනාධිපතිනි චන්ද්‍රිකා බණ්‌ඩාරනායක කුමාරතුංග මහත්මිය ප්‍රකාශ කරයි.

පසුගිය දා, බළන්ගොඩ ගෝල්ඩ්න් සන්සිටි උත්සව ශාලාවේ පැවති 'සාධාරණ සමාජයක්‌ සඳහා පුරවැසි බලය' සංවිධානය මගින් සංවිධානය කළ ජනහමුවේදී ඇය එම කාරණය අවධාරණය කළාය. 

ලබන පාර්ලිමේන්තු මැතිවරණයෙන් මොනයම් හේතුවකින් හෝ මහින්ද රාජපක්ෂ මහතා අගමැති වුණොත් පාර්ලිමේන්තුව පමණක්‌ නොව රටම අවුල්වන බවද ඇය එහිදී කියා සිටියාය.

එජාප නායක රනිල් වික්‍රමසිංහ මහතා සමග එදා අදහස්‌ හා මතවාදවලින් ගැටුන නමුත්, පක්‍ෂයටත් වඩා මුලින්ම රට ගැන සිතා රාජපක්ෂ පරාජය කරන්නැයි තමා ජනතාවගෙන් ඉල්ලා සිටිනවා යයි ද ඇය පැවසුවාය.

තවදුරටත් අදහස්‌ දැක්‌වූ හිටපු ජනාධිපතිනිය මෙසේද ප්‍රකාශ කළාය.