දේශීය පරීක්ෂණ ගැන කිසිම විශ්වාසයක් නෑ

යුද අපරාධ පිළිබඳව දේශීය පරීක්ෂණයකින් සෑහීමකට පත්විය නොහැකි බවත් ජාත්‍යන්තර පරික්ෂණයක් අවශ්‍ය බවට උතුරු පළාත් සභා දෙමළ ජාතික සන්ධාන මන්ත්‍රී එම්.කේ. සිවාජිලිංගම් සෙනසුරාදා යාපනයේ පැවැති මාධ්‍ය හමුවකදී පැවසීය.

‘අපි මේ ගැන මේ රටේ ඉන්න සියලුම දෙමළ ජනතාවටත් කියනවා සෑම රටකම ඉන්න දෙමළ ජනතාවටමත් කියනවා මේ දේශීය පරික්ෂණ ගැන අපිට කිසිම විශ්වාසයක් නැහැ ඒ වගේම ඒවා අපිට පිළිගන්නත් බැහැ. ඒක මුළු ලෝකෙම ඉන්න දෙමළ ජනතාව දන්නවා. ඒ නිසා අපි ඉල්ලා සිටින්නේ යුද අපරාධ පිළිබඳව විදේශීය පරික්ෂණයක් අවශ්‍යමයි කියලා. එහෙම නොවෙන්න යුද්දෙන් පිඩා විඳි ජනතාවට සාධාරණයක් වෙන්නේ නැහැ‘ යැයි ඔහු කීවේය.