ඔබාමාගේ සාක්කුවේ කුඩා බුදු පිළිමයක්

අමෙරිකානු ජනාධිපති බරක් ඔබාමා සිය කලිසම් සාක්කුව තුළ රැගෙන යන දෑ පිළිබද විශේෂ හෙළිදරව්වක් සිදුකර තිබෙනවා. ඒ යූ ටියුබ් ආයතනය සමග විශේෂ සාකච්ඡාවකට එක්වෙමින්. සිය දේශපාලන දිවිය තුළ විවිධ පුද්ගලයන් ගෙන් ලැබුණු ඇතැම් ත්‍යාග තමා නිතර ළග තබාගන්නා බවයි බරක් ඔබාමා එහිදී ප‍්‍රකාශ කර තිබෙන්නේ. ආශිර්වාදය පිණිස සහ සිහිවටනයක් ලෙස තමන් ඒවා ළග තබාගන්නා බවද ඔබාමා ප‍්‍රකාශ කර තිබෙනවා. ශුද්ධෝත්තම ප‍්‍රැන්සිස් පාප්තුමන් විසින් තමන්ට ලබාදෙන ලද කිතුණු නවගුණ වැලක් සහ බෞද්ධ භික්‍ෂූන් වහන්සේ නමක් විසින් ලබාදුන් කුඩා බුදුපිළිමයක් තමන් නිතර කලිසම් සාක්කුව තුළ තබා ගන්නා බව ඔබාමා මෙම සාකච්ඡාවේදි ප‍්‍රකාශ කළා. එමෙන්ම කාන්තාවක් විසින් ලබාදුන් කුඩා හනුමාන් දේවරූපයක්ද තමන් නිරන්තරයෙන් ළග තබා ගන්නා බවයි මෙම සාකච්ඡාවේදී ඔබාමා ප‍්‍රකාශ කළේ. 

එම වැඩසටහනේ වීඩියෝව පහතින්