ඒකාබද්ධ විපක්ෂයේ ජන රැලියට මමත් සහභාගී වෙනවා - මහින්ද

ඒකාබද්ධ විපක්ෂයේ ප්‍රධානත්වයෙන් ලබන 17 වන දින පැවැත්වෙන ජන රැලියට තමා ද සහභාගී වන බව හිටපු ජනාධිපති මහින්ද රාජපක්ෂ මහතා පවසයි.

කොළඹ හයිඩ් පාක් පිටියේ පැවැත්වෙන ජන රැලිය සඳහා සහභාගී වන්නේ ද යන්න පිළිබඳව ඊයේ මහනුවර දී මහින්ද රාජපක්ෂ මහතාගෙන් මාධ්‍යවේදීන් කළ විමසීමකට පිළිතුරු ලබා දෙමින් ඔහු ඒ බව දන්වා සිටියේය.

මේ අතර වර්තමානයේ රටේ අපරාධ රැල්ලක් ක්‍රියාත්මක වෙමින් පවතින බව ගලගෙදර ප්‍රදේශයේ පැවති ආගමික උත්සවයකට එක්වීමෙන් අනතුරුව මාධ්‍ය වෙත අදහස් දක්වමින් මහින්ද රාජපක්ෂ මහතා අදහස් පළ කර තිබේ.