පර්පෙචුවල් ට්‍රෙෂරීස්‌ සමාගමට සුපිරි ලාභ බද්දක්‌ පනවන්න - මූල්‍ය වෙළෙඳපොළ නියෝජිතයෝ ඉල්ලති
දැනට චෝදනාවට ලක්‌ව ඇති පර්පෙචුවල් ට්‍රෙෂරීස්‌ සමාගමේ අධික ලාභය අසාමාන්‍ය තත්ත්වයක්‌ බව කෝප් කමිටුව ද නිරීක්‍ෂණය කර ඇති නිසා ඒ පිළිබඳව පරී...
http://www.sathhanda.com/2016/11/blog-post_10.html
දැනට චෝදනාවට ලක්‌ව ඇති පර්පෙචුවල් ට්‍රෙෂරීස්‌ සමාගමේ අධික ලාභය අසාමාන්‍ය තත්ත්වයක්‌ බව කෝප් කමිටුව ද නිරීක්‍ෂණය කර ඇති නිසා ඒ පිළිබඳව පරීක්‍ෂණයක්‌ කර ඔවුන් ලබා ඇති අයුතු ලාභයක්‌ වේ නම් එය වහාම සුපිරි ලාභ බද්දක්‌ (Sමචැර ට්‌සබ ඒං) ලෙස රජයට අයකර ගන්නා ලෙස මූල්‍ය වෙළෙඳපොළ නියෝජිතයෝ ජනාධිපති මෛත්‍රිපාල සිරිසේන මහතාගෙන් සහ රජයෙන් ඉල්ලා සිටී.
ඒ අනුව නොවැම්බර් 10 වැනිදා ඉදිරිපත් කෙරෙන අයවැයෙන් අදාළ සමාගමට එම සුපිරි ලාභ බද්ද පැනවිය හැකි බවද එතෙක්‌ එම සමාගමේ බැංකු ගිණුම් තහනම් කළ හැකි බවද එම නියෝජිතයෝ කියා සිටිති.
මෙසේ එම සමාගම උපයා ඇති ලාභය අයුතු ලාභයක්‌ නම් සුපිරි ලාභ බද්දක්‌ හරහා එම අතිවිශාල ලාභය රජයට අයකර ගත හැකි බවද ඒ අනුව රජය විසින් දැනටමත් මහජනයා වෙත පනවා ඇති අතිරේක වැට්‌ බදු බර පහසුවෙන්ම අඩු කළ හැකි බවද මේ ගැන කරුණු පැහැදිලි කරමින් මූල්‍ය වෙළෙඳපොළ නියෝජිතයෝ කියා සිටියහ.
අභ්‍යන්තර තොරතුරු පිටට ගලා යැම හරහා පුද්ගලික ගැනුම්කරුවන් එයින් ලාභ ලබා ඇති බවද පර්පෙචුවල් ට්‍රෙෂරීස්‌ ආයතනයට එවැනි අභ්‍යන්තර තොරතුරු ලැබුණු බවට සාධාරණ සැකයක්‌ මතුවන බව ද කෝප් වාර්තාවේ 51 වැනි පිටුවේ සඳහන් වන බව ඔවුහු තවදුරටත් පෙන්වා දුන්හ.
Related