අරක්කු සිගරට් ඉහලට

ඊයේ (02) මධ්‍යම රාත්‍රියේ සිට ක්‍රියාත්මක වන පරිදි දුම්වැටි සහ මත්පැන් මිල ඉහළ දමා ඇතැයි වාර්තා වේ.

රුපියල් 30 ක්ව පැවති දුම්වැටියක මිල රුපියල් 3 කින් ඉහළ දමා තිබේ. සාන්ද්‍රණය 5% ට අඩු බීර ලීටරයක මිල රුපියල් 40 කින් ඉහළ දමා ඇති අතර, සාන්ද්‍රණය 5% ට වැඩි බීර ලීටරයක මිල රුපියල් 60 කින් ඉහළ දමා ඇති බව මුදල් අමාත්‍යාංශය සඳහන් කර සිටියි.

දේශීය මත්පැන් නිෂ්පාදනය කරන මොලෑසස් ස්ප්‍රීතු ලීටරයක මිල රුපියල් 110 කින් ද විදේශ මත්පැන් නිෂ්පාදනය කරන ස්ප්‍රීතු ලීටරයක මිල රුපියල් 160 කින් ද ඉහළ දමා ඇති බව අමාත්‍යංශය වැඩිදුරටත් පවසයි.