පිරිමින් දෙදෙනකු බියවද්දා නිරුවත් කර ඡායාරූප ගෙන කප්පම් ඉල්ලලා

පිරිමින් දෙදෙනකු බියවද්දා ජංගම දුරකථනයකින් ඔවුන්ගේ නිරුවත් ඡායාරූප ලබාගෙන ඒවා අන්තර්ජාලයට මුදාහරින බව පවසා එසේ නොකිරීමට නම් රුපියල් ලක්‍ෂයක කප්පම් මුදලක්‌ ලබාගැනීමට ගිය තරුණයන් හතරදෙනෙක්‌ පිළිබඳව පිංදෙනිය පොලිසිය පරීක්‍ෂණ ආරම්භ කර ඇත.

පිංදෙනිය පොලිස්‌ වසමේ පැල්පිට ගම්මානයේදී පසුගිය දිනක සිදු වී ඇති මෙම සිද්ධියට පසුව කප්පම් මුදලින් අඩක්‌ එනම් රුපියල් පනස්‌දහසක්‌ ද මේ වන විට අයකරගෙන ඇති අතර ඉතිරි මුදල් ගැනීමට යැමේදී එක්‌ සැකකරුවකු පිංදෙනිය පොලිසියේ නිලධාරීන් කණ්‌ඩායමක්‌ විසින් අත්අඩංගුවට ගැනීමෙන් පසුව සිද්ධිය අනාවරණය වූ බව ද පැවසේ.

මීට පෙර ලබාගත් රුපියල් පනස්‌ දහසක මුදල ඊට එක්‌ වූ සිව්දෙනා අතර බෙදාගත් බව ද සිද්ධියට අදාළ ඡායාරූප ඔවුන්ගේ ජංගම දුරකථනවල තැන්පත්ව ඇති බව ද පොලිස්‌ පරීක්‍ෂණවලින් අනාවරණය වී ඇත.