කොළඹ වරායේ බටහිර පර්යන්තය මෙහෙයුම් අරඹයි

කොළඹ වරායේ බටහිර ජාත්‍යන්තර පර්යන්තය මෙහෙයුම් ආරම්භ කර ඇති බව වරාය අධිකාරිය පැවසීය. මෙම පර්යන්තය චීන ඉදිකිරීම් සමාගමක් වන ෂැංහයි ෂෙන්හුවා හෙවි ඉන්ඩස්ටී්‍රස් සමාගම විසින් සංවර්ධනය කරන ලද්දකි. මෙය සම්පූර්ණයෙන්ම ස්වයංක්‍රීය පර්යන්තයක් ලෙස නිමවා ඇති අතර, මීටර 1,400 ක තොටුපළක් සහ මීටර 20 ක ගැඹුරකින් යුක්ත වේ. වසරකට ටී.ඊ.යූ. මිලියන 3.2 ක ධාරිතාවයකින් යුත් මෙම පර්යන්තය, ඉහළ මට්ටමේ තාක්ෂණික සම්පත් සහිතව නිර්මාණය වී ඇත.

ස්වයංක්‍රීය පර්යන්ත ව්‍යාපෘතියේ කොටසක් ලෙස, එස්.ටී.එස්. දොඹකර අටක්, ඒ.ආර්.එම්.ජී. දොඹකර 18 ක් සහ දොඹකර සහ ඒ.ආර්.එම්.ජී. සඳහා උපකරණ කළමනාකරණය, පර්යන්ත මෙහෙයුම්, ස්වයංක්‍රීය ගේට්ටු, තත්‍ය කාලීන බහාලුම් ස්ථානගත කිරීම සහ රීෆර් බහාලුම් ස්වයංක්‍රීය කළමනාකරණය ඇතුළු අත්‍යවශ්‍ය සහායක පද්ධති ද ස්ථාපති කර තිබේ.

ෂැංහයි ෂෙන්හුවා හෙවි ඉන්ඩස්ටී්‍රස් සමාගම පැවසුවේ, පර්යන්තයේ එස්.ටී.එස්. දොඹකර ටී.ඊ.යූ. 24,000 ක් දක්වා ධාරිතාවයකින් යුත් අති විශාල බහාලුම් යාත්‍රා හැසිරවීමට නිර්මාණය කර ඇති බවයි. එමෙන්ම, ස්වයංක්‍රීය පැතිරීමේ පද්ධතිය බහාලුම් උස වෙනස්කම්, කල්පවත්නා විෂමතා සහ කෝණික අපගමනයන්ට අදාළ අභියෝගවලට ඵලදායී ලෙස මුහුණ දෙන අතර, මෙහෙයුම් කාර්යක්ෂමතාව වැඩි දියුණු කරන බවත් ඔවුන් පැහැදිලි කළහ.

කොළඹ වරායේ බටහිර ජාත්‍යන්තර පර්යන්තය, ශ්‍රී ලංකා වරාය අධිකාරිය, බහුජාතික සමූහ ව්‍යාපාරයක් වන ජෝන් කීල්ස් සමූහය සහ ඉන්දියානු වාණිජ වරාය ක්‍රියාකරු අදානි වරාය සහ විශේෂ ආර්ථික කලාපය යන සමාගම් දෙකටම ඒකාබද්ධව හිමිකාරීත්වයේ පවතී.