ජන්දේ ඉවරයි - ආනයනික සීනි සහ අර්තාපල් බදු ඉහළට

ආනයනික සීනි සහ අර්තාපල් සඳහා මෙතෙක් පැවති බද්ද ඉහළ දැමූ බව මුදල් අමාත්‍යාංශය පවසනවා. ඒ අනුව, ආනයනික සීනි කිලෝවක් සඳහා රුපියල් 12 කින් සහ ආනයනික අර්තාපල් කිලෝවක් සඳහා රුපියල් 10 කින් බදු ඉහළ නංවා ඇති බවයි එම අමාත්‍යාංශයේ ප්‍රකාශකයෙකු සඳහන් කළේ. සීනි කිලෝවක් සඳහා මෙතෙක් පැවති රුපියල් 18 ක බද්ද මේ අනුව රුපියල් 30 දක්වාත්, අර්තාපල් කිලෝවක් සඳහා පැවති රුපියල් 30 ක බද්ද 40 දක්වාත් ඉහළ යනවා.