බෙහෙත් වර්ග 100ක් හිඟයි
සියලුම රජයේ රෝහල්වල අත්යාවශ්ය ඖෂධ ඇතුළු ඖෂධ වර්ග සියයක හිඟයක් සති කිහිපයක තිස්සේ පවතින බවට සෞඛ්ය අමාත්යාංශ ආරංචි මාර්ග පැවසීය. ...
http://www.sathhanda.com/2016/02/100.html
සියලුම රජයේ රෝහල්වල අත්යාවශ්ය ඖෂධ ඇතුළු ඖෂධ වර්ග සියයක හිඟයක් සති කිහිපයක තිස්සේ පවතින බවට සෞඛ්ය අමාත්යාංශ ආරංචි මාර්ග පැවසීය.
අදාළ ඖෂධ හිඟය සම්බන්ධයෙන් වෛද්ය සැපයුම් අංශය වාර්තාවක් මගින් ද සෞඛ්ය අමාත්යාංශයට දැනුම් දී ඇත.
ප්රතිශක්තීකරණ එන්නත්, ළමා රෝගීන්ට ලබාදෙන එන්නත්, සීසේරියන් සැත්කම් සඳහා භාවිතා කරන ඖෂධ ඇතුළු ඖෂධ සියයක හිඟය තව මාසයක් දක්වා පවතිනු ඇතැයි ද සෞඛ්ය අමාත්යාංශ ආරංචි මාර්ග සඳහන් කළේය. මෙම ඖෂධ මැලේසියාව, ඉන්දියාව, බංග්ලාදේශය ඇතුළු රටවල් කිහිපයකින් ගෙන්වන බව ද, එසේ ගෙන්වන්නේ නම් සති දෙක තුනක් ගතවනු ඇති බව ද වාර්තා වේ.
රෝගීන්ට ලබාදෙන බෙහෙත්වල ඇසුරුම් සහ අත්වැසුම්වල ද දැඩි හිඟයක් පවතින බව ද එම ආරංචි මාර්ග පැවසීය.
වෛද්ය සැපයුම් අංශය, ප්රසම්පාදන කමිටුව සහ රාජ්ය ඖෂධ නීතිගත සංස්ථාව රෝහල්වල පවතින ඖෂධ හිඟයට වගකිව යුතු බව ද ඉහත ආරංචි මාර්ග තවදුරටත් සඳහන් කළේය.
Related