අගමැති රනිල් අමතා ඇත්තේ ජපාන පාර්ලිමේන්තුව නොවේ - මෙන්න ඇත්ත [PHOTOS]
ශ්රී ලංකා අග්රාමාත්ය රනිල් වික්රමසිංහ මහතා පසුගිය 06 වැනිදා ජපානයේ පාර්ලිමේන්තුව අැමතීයැයි මාධ්ය වාර්තා පල වුවත් එය අසත්ය හා සත්යය...
https://www.sathhanda.com/2015/10/ranil-wickramasinghe-japan-tour.html
ශ්රී ලංකා අග්රාමාත්ය රනිල් වික්රමසිංහ මහතා පසුගිය 06 වැනිදා ජපානයේ පාර්ලිමේන්තුව අැමතීයැයි මාධ්ය වාර්තා පල වුවත් එය අසත්ය හා සත්යය විකෘති කිරීමක්ය. සත්ය ලෙසම සිදුවූයේ වික්රමසිංහ මහතා පහළ මන්ත්රණ සභාවේ අංක 1 ශාලාවේදී ජපන් ලංකා පාර්ලිමේන්තු මිත්රත්ව සංගමයේ මන්ත්රී වරුන් අමතා කතා කිරීමයි. මෙය ලංකාවේ ආකාරයට කියනවානම් පාර්ලිමේන්තුව තුල ඇති එක් කමිටු ශාලාවක පාර්ලිමේන්තු මන්ත්රීවරුන් පිරිසක් අමතා කල කතාවකි.
එයට ජපන් පාර්ලිමේන්තුව අමතා කතා කලාය කීම මුළුමනින්ම අසත්යය. ජපන් පාර්ලිමේන්තුව යනු දැඩි ගාම්බීරත්වයක් සහිත ජපන් ජනතාව දේවත්වයෙන් සුරකින ආයතනයකි. එය තුල කුනුහරුප කියාගන්න මැති ඇමැතින් නැත.
විශේෂයෙන්ම විදේශීය රාජ්ය නායකයකු පාර්ලිමේන්තුව අමතන අවස්ථාවක පක්ෂ විපක්ෂ සියලුම පාර්ලිමේන්තු මන්තිරිවරුන් (ඉහල හා පහල මන්ත්රණ සභා) 717 දෙනා එහි රැදී සිටිනු ඇත.
මීට පෙර ශ්රී ලාංකික දේශපාලනඥයින් බොහෝ දෙනෙකු ජපන් ලංකා පාර්ලිමේන්තු මිත්රත්ව සංගමයේ මන්ත්රීවරුන් අමතා අැති නිසා එසේ කළ ප්රථම ශ්රී ලංකික රාජ්ය නායකයා වික්රමසිංහ මහතාද නොවේ.
මේ අතර ජපාන පාර්ලිමේන්තුව අමතා අැති අනෙක් රාජ්ය නායකයින් වන්නේ එක්සත් ජනපද ජනාධිපති බැරක් ඔබාමා සහ ඉන්දීය අගමැති මෝඩි පමණක් යැයි වාර්තා කිරීමද සාවද්යය.
මෙහි දැක්වෙන්නේ චීනල භූතාන සහ වියට්නාම රාජ්ය නායකයින් ජපානයේ ඉහළ මන්ත්රණ සභාව හෙවත් ඩයට් සභාව අැමතූ අවස්ථා කිහිපයක, ජපාන පාර්ලිමේන්තු සභා ගර්භ ඡායාරූප සහ අග්රාමාත්ය රනිල් වික්රමසිංහ මහතා ජපානයේ පාර්ලිමේන්තුව අැමතීයැයි ශ්රී ලංකාවේ මාධ්ය පල කර තිබූ ඡායාරූපය.
ජපානයේ විදේශ අමාත්යාංශය මෙම විකෘති කළ පුවත පිළිබදව සැබෑ තතු හෙළිකිරීමට සූදානම්ව සිටියි.
සමීර S. ගජධීර
ජපානයේ ටෝකියෝ නුවර සිට
චීන හා භූතාන අගමැතිවරුන් ජපාන පාර්ලිමේන්තුව ඇමතු අවස්ථාව
ජපාන පාර්ලිමේන්තු සභා ඝර්භය
අගමැති රනිල් වික්රමසිංහ පාර්ලිමේන්තු සංකීර්ණයේ පහල මන්ත්රණ සභාවේ කමිටු ශාලාවක ඇමතු ආකාරය
Related