නමට ඇමතිලා - කැබිනට්‌ හා රාජ්‍ය ඇමැති 30 කට යනෙන මං නෑ

රජයේ ඇමතිකම් ලබාගත් සමහර ඇමතිවරුන්ට අමාත්‍යාංශ සඳහා ගොඩනැඟිලි සොයාගත නොහැකිව දැඩි අර්බුදකාරී තත්ත්වයකට පත්ව සිටින බවවාර්තා වෙනවා.

අමාත්‍යාංශ සඳහාම ඉදිකළ බත්තරමුල්ල සෙත්සිරිපාය නව ගොඩනැඟිල්ල ද කල් තියා සමහර ඇමැතිවරුන් විසින් වෙන්කරගෙන ඇති නිසා සෙසු ඇමැතිවරුන්ට එහි ඉඩකඩ නොමැති අතර බොහෝ ඇමැතිවරුන් කොළඹ හා ඊට ආසන්නව තම අමාත්‍යාංශ ආරම්භ කිරීම සඳහා සොයන්නේ පුද්ගලික ගොඩනැඟිලි බව ද ඒ සඳහා කිසිදු ටෙන්ඩර් කැඳවීමක්‌ මෙතෙක්‌ කර නැතැයි වාර්තා වේ.

මේ අතර අමාත්‍යාංශවලට විෂයයන් පැවරීම සම්බන්ධයෙන් කැබිනට්‌ ඇමැතිවරුන් සහ රාජ්‍ය ඇමැතිවරුන් අතර ද මේ වන විට ගැටුම් නිර්මාණය වී තිබෙනවා.

කැබිනට්‌ ඇමැතිවරයා විසින් අදාළ අමාත්‍යාංශ යටතේ ඇති වැදගත් විෂයයන්, ආයතන සහ මණ්‌ඩල ඔවුන් යටතට පවරාගෙන ඇතැයි ද තමන්ට කිසිදු වගකීමක්‌ ලබා දී නැතැයි ද රාජ්‍ය ඇමැතිවරු චෝදනා කරන අතර රාජ්‍ය ඇමතිවරුන්ට අදාල වාහනද කැබිනට් ඇමතිවරුන් භාවිතා කරනවා.

මේ නිසා රාජ්‍ය ඇමැතිවරු ගණනාවක්‌ දැඩි කලකිරීමකින් යුතුව පසුවන බව වාර්තා වේ.