සතුන් දඩයම් කළ කල්ලියක් පොලීසියට කොටු වෙයි

පේරාදෙණිය පොලිස් ස්ථානයේ නිළධාරීන් විසින් රාත්‍රී ජංගම සංචාරයකදී අදාළ ස්ථානයට පැමිණ පරික්ෂා කිරීමේදී, වෙඩි තබා මරණයට පත් කරන ලද ඌරෙකු සහ සතුන් දඩයම් කිරීමට ජිප් රථයකින් පැමිණ සිටි පුද්ගලයින් හය දෙනෙකු සිටින බව සොයා ගන්නා ලදී. ඔවුන් සමඟ බෝර 12, පතරොම් 03ක්, හිස්කොපු 03ක්, පොරවක්, අත්පොරවක්, ඩ්‍රැගන් ලයිට් 02ක් සහ පිහියක් ඇතුළත් උපකරණ සොයා ගන්නා ලදී.

අත්අඩංගුවට ගත් සැකකරුවන්ගේ වයස් 28 සිට 71 දක්වා වන අතර, ඔවුන් මාවතගම ප්‍රදේශයේ පදිංචිකරුවන් වේ. වැඩිදුර විමර්ශනයකදී, යහලතැන්න ප්‍රදේශයේ කැලෑබද ස්ථානයක බෝර 12 වර්ගයේ ගිනි අවියක් සොයා ගන්නා ලදී.

මෙම සිද්ධිය සම්බන්ධයෙන් පේරාදෙණිය පොලිස් ස්ථානය මාවතගම පොලිස් ස්ථානය දැනුවත් කර ඇත. මාවතගම පොලිස් නිළධාරීන් විසින් එක් සැකකරුවෙකුගේ නිවස පරික්ෂා කර ඇති අතර, එහි බෝර 12 වර්ගයේ ගිනි අවි 04ක්, පතරොම්, රිවොල්වර් අවියක්, අත්පොරවල් 03ක්, යුද හමුදා ඇදුම් කට්ටලයක්, විග් එකක්, අත්විලංගු ජෝඩු 02ක් සහ වායු පිස්තෝලයක් ඇතුළු දෑ සොයා ගන්නා ලදී.

පේරාදෙණිය හා මාවතගම පොලීසිය වැඩිදුර විමර්ශන සිදු කරමින් සිටී.