තියුණු ආයුධයකින් පහරදී තරුණයෙකු ඝාතනය කරයි

පානදුර, දකුණ - මාදුපිටිය ප්‍රදේශයේ දී තියුණු ආයුධයකින් පහරදී තරුණයෙකු ඝාතනය කර තිබේ.ඊයේ රාත්‍රී දෙපිරිසක් අතර ඇති වු ආරවුලක් දුරදිගයාමෙන් මෙම ඝාතනය සිදුව ඇති බව පොලීසිය පැවසුවේය.

ගැටුමේ දී බරපතළ තුවාල ලැබු පුද්ගලයින් දෙදෙනෙකු ප්‍රතිකාර සඳහා පානදුර රෝහලට ඇතුළත් කර ඇති අතර එහිදී එක් අයෙකු මියගොස් ඇති බව පොලීසිය සඳහන් කළේය.

මියගොස් ඇත්තේ 19 හැවිරිදි පානදුර, මාදුපිටිය ප්‍රදේශයේ පදිංචිව සිටි අයෙකි.ඝාතනයට සම්බන්ධ සැකකරුවන් හඳුනාගෙන ඇති අතර ඔවුන් අත්අඩංගුවට ගැනීම සඳහා පොලීසිය වැඩිදුර විමර්ශන සිදුකරයි.