වයඹ මහ ඇමතිකම රාජපක්ෂ කෙනක්ට?

දයාසිරි ජයසේකර මහතා පාර්ලිමේන්තුවේ දිවුරුම් දීමෙන් අනතුරුව වයඹ පළාත් ප්‍රධාන අමාත්‍යවරයා ලෙස පළාත් අමාත්‍ය සන්ධ්‍යා කුමාර රාජපක්ෂ මහතා නම් කිරීමට යෝජනා වී ඇතැයි ජනාධිපති ලේකම් කාර්යාලයේ ආරංචි මාර්ග පවසනවා.

මේ වන විට වයඹ පළාතේ අමාත්‍යවරයකු ලෙස කටයුතු කරන ඒ මහතා පුත්තලම දිස්ත්‍රික්කයෙන් මනාප 24818ක් ලබා තේරී පත් වුණා. 

මේ අතර පළාත් සභාවේ සභාපති ධර්මසිරි දසනායක මහතාට ප්‍රධාන අමාත්‍ය තනතුර ලබා දෙන ලෙස ඉල්ලා ජනාධිපතිවරයාට ලිපියක් යැවීමට සභාවේ තවත් මන්ත්‍රීවරු පිරිසක් තීරණය කර තිබෙනවා.