රාජිත තර්ජනය කර පුතාට එරෙහි පෙත්සම ඉල්ලා අස්කරව ගනියි

රාජිත සේනාරත්න මහතාගේ පුත් එක්සත් සේනාරත්න යන අයට එරෙහිව කොළඹ මහාධිකරණය හමුවේ ‍ගොනු කර තිබු පෙත්සමක් ඉල්ලා අස්කරගෙන තිබේ.මෙයට හේතු වී තිබෙන්නේ රාජිත සේනාරත්න විසින් පෙත්සම්කාර පාර්ශවය වන ගාමිනි රණසිංහ සහ ඔහුගේ පවුලේ උදවිය වෙත කරනු ලැබූ තර්ජන බව අප වෙත වාර්තා වේ. පවතින්නේ තමන් හැදු ආණ්ඩුවක් බවත් මැතිවරණයෙන් පසුව මොන පක්ෂය බලයට අවත් තමාට තමා අනිවාර්යෙන් ඇමති කෙනක් වන නිසා අනවශ්‍ය ප්‍රශ්න ඇති නොකර නඩුව ඉල්ලා අස්කර ගන්නා මෙන් තර්ජනය කර තිබේ.

සිය දියණිය පැහැරගෙන ගොස් රඳවාගෙන සිටින බවට ගාමිනි රණසිංහ නමැත්තා විසින් එම පෙත්සම ඉදිරිපත් කර තිබු බව සඳහන්ය.

රාජිත සේනාරත්න අමාත්‍යවරයාගේ පුත් එක්සත් සේනාරත්න තම දියණිය පැහැරගෙන ගොස් බලහත්කාරයෙන් රඳවාගෙන සිටින බවට පෙත්සමෙන් සඳහන් කර ඇති පෙත්සම්කරු තම දියණිය අධිකරණයට ඉදිරිපත් කිරීමේ නියෝගයක් නිකුත් කරන මෙන් අධිකරණයෙන් ඉල්ලා තිබුණි.කෙසේවෙතත් අදාළ පෙත්සම අද කැඳවු අවස්ථාවේ පෙත්සම්කාර පාර්ශවයේ නීතීඥවරුන් අධිකරණයට දැනුම් දී සිටියේ අදාළ පෙත්සම ඉල්ලා අස්කර ගැනීමට අවසර ලබාදෙන ලෙසයි.ඒ අනුව කොළඹ මහාධිකරණය පෙත්සම ඉල්ලා අස්කර ගැනීමට අවසර ලබාදී ඇත.